ខេត្តកែបថ្ងៃពុធ ​៥កើត ​ខែអាសាឍ ​ឆ្នាំរោង ​ឆស័ក ​ព.ស ​២៥៦៨ ​ត្រូវនឹងថ្ងៃទី១០ ​ខែកក្កដា ​ឆ្នាំ២០២៤ ​នោសាលប្រជុំមន្ទីរសេដ្ឋកិច្ច ​​និងហិរញ្ញវត្ថុខេត្តកែប

មន្ទីរសេដ្ឋកិច្ច និងហិរញ្ញវត្ថុខេត្ត​​ សហការជាមួយក្រសួងសេដ្ឋកិច្ច និងហិរញ្ញវត្ថុ បានផ្សព្វផ្សាយសារាចរណែនាំលេខ ​០០៧ ស្តីពីការរៀវចំ ផែនការយុទ្ធសាស្រ្តថវិកា ឆ្នាំ២០២៥-២០២៧ និងបច្ចេកទេសនៃការរៀបចំគម្រោងថវិការបស់រដ្ឋបាលថ្នាក់ក្រោមជាតិឆ្នាំ២០២៥ ​ក្រោមអធិបតីភាព លោក ​អ៊ឹម ​បញ្ញារិទ្ធិ ​អភិបាលរងខេត្ត ​តំណាងដ៏ខ្ពង់ខ្ពស់ ​ឯកឧត្តមបណ្ឌិត ​សោម ​ពិសិដ្ឋ ​អភិបាលនៃគណៈអភិបាលខេត្តកែប ​ជូនដល់រដ្ឋបាលថ្នាក់ក្រោមជាតិ ​។ មន្ទីរសេដ្ឋកិច្ច និងហិរញ្ញវត្ថុខេត្ត ​ដោយ​អនុលោមតាមមាត្រា៥១ នៃច្បាប់ស្តីពីប្រព័ន្ធហិរញ្ញវត្ថុសាធារណៈ និងសារាចរស្តីពីប្រតិទិនសម្រាប់រៀបចំសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៥, រាជរដ្ឋាភិបាលបានដាក់ចេញនូវក្របខ័ណ្ឌហិរញ្ញវត្ថុសាធារណៈរយៈពេលមធ្យម និងក្របខ័ណ្ឌថវិការយៈពេលមធ្យម, សារាចរស្តីពីការរៀបចំ ផែនការយុទ្ធសាស្ត្រថវិកាឆ្នាំ ២០២៥-២០២៧ និងការរៀបចំសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រង ឆ្នាំ២០២៥ ។ ​ ​ក្នុងការផ្សព្វផ្សាយសារាចរណែនាំមានការអញ្ជើញចូលរួមពី ​រតនាគារខេត្ត ​សារខាពន្ធដារខេត្ត ​លោកនាយករងរដ្ឋបាលសាលាខេត្ត ​តំណាងអង្គភាពលទ្ធកម្មខេត្ត ​លោកនាយកទីចាត់ការហិរញ្ញវត្ថុសាលាខេត្ត ​លោកអភិបាលស្រុកដំណាក់ចង្អើរ ​លោកអភិបាលរងក្រុងកែប ​និងលោកមេឃុំ​ ​ចៅសង្កាត់ ​ស្មៀន ​និងជំនួយការហិរញ្ញវត្ថុឃុំ ​សង្កាត់ ​ប្រមាណជាង ​៤៥ ​រូប ​។